Plantun de Prouvènço

Pèr coumpara dos planto d'encò nostre

Primula farinosa & Geropogon hybridus

Primula farinosa

Primulaceae

Nom en français : Primevère farineuse.

Descripcioun :
Dins la Tiniò, ié dison "las flours-de-Jano-d'Arc" (J.-L. Domenge in LMT, op.cit. p. 60). Es uno primadello dindouleto di flour roso emé lou centre jaune e blanc, que trachis dins li pelouso e li prado bagnado d'auto mountagno. Li fueio, touto basalo, soun quàsi ouvalo e merletado.

Usanço :
Couneissèn pas d'usanço particuliero pèr aquelo planto. La racino caup de sapounino. Escriéure au site se n'en sabès mai.

Port : Erbo
Taio : 5 à 30 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Primula
Famiho : Primulaceae

Ordre : Ericales

Coulour de la flour : Roso
Petalo : 5
Ø (o loungour) flour : 1 cm
Flourido : Printèms - Estiéu

Sòu : ca
Autour basso e auto : Pancaro entresigna
Aparado : Noun
Mai à jun

Liò : Prado umido - Bas-palun
Estànci : Subaupen
Couroulougi : Éurasiatico
Ref. sc. : Primula farinosa L., 1753

Sarsifi(-bastard)

Geropogon hybridus

Asteraceae Compositae

Autre noum : Salsifi.

Nom en français : Salsifis hybride.

Descripcioun :
Lou sarsifi-bastard sèmblo un pichot barbabou pèr la "flour", pamens èi mai proche d'un sarsifi emé si proumiéri fueio en lanço. Au contro d'aquésti dos planto, trachis dins l'an. Se vèi dins lis ermas e li meissoun, subretout dins noste relarg de "basso Prouvènço". Èi marcado sus la listo roujo, categourìo vulneràri : VU.

Usanço :
Dèu èstre bon en ensalado, pamens, estènt uno planto proutegido, la vau miés pas acampa.

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Geropogon
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Roso
Petalo : >6
Ø (o loungour) flour : 2,5 à 4 cm
Flourido : Printèms

Sòu : Ca
Autour basso e auto : 0 à 400 m
Aparado : Noun
Mai à jun

Liò : Ermas - Meissoun - Culturo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Geropogon hybridus (L.) Sch.Bip., 1844

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Primula farinosa & Geropogon hybridus

ges

Coumpara Flour-de-Jano-d'Arc emé uno autro planto

Coumpara Sarsifi(-bastard) emé uno autro planto